台灣民謠[一]

秋風夜雨

01.秋風夜雨
02.送君曲
03.恨孤單
04.送出帆
05.悲戀的酒杯
06.思念青春
07.秋怨
08.港邊惜別
09.秋夜曲
10.望你早歸
11.粹心戀
12.鴛鴦夢
專輯歌詞
秋風夜雨
作詞:周添旺 作曲:楊三郎
風雨聲音擾亂秋夜靜 時常聽見蚯蚓哮悲情
引阮思鄉不知雨水冷 自恨自嘆幸福未完成
啊………前途茫茫 宛然失光明

希望純情結成好鴛鴦 無疑環境阻礙阮自由
秋風夜雨也無替阮想 那通歸暝迫阮添憂愁
啊………思思念念 一日如三秋

風雨淒涼已經是秋分 離開故鄉猶原是時袸
彼時約束望你相信阮 堅心為君保守阮青春
啊………阮是可比 海上小帆船
秋怨
作詞:周添旺 作曲:楊三郎
行到溪邊水流聲 引阮頭殼痛
每日思君無心晟 怨嘆阮運命
孤單無伴賞月影 也是為著兄
怎樣兄會不知影 放阮做你行

黃昏冷淡日頭落 思念阮親哥
可悲孤雁飛過河 目屎輪輪靠
講阮有靠也那無 無人通奢靠
人人講阮甲君好 想著心照糟

月色光光照山頂 天星粒粒明
前世無做歹心幸 郎君即絕情
歸工無停看月眉 引阮通悲哀
彼時相親甲相愛 無共你甘知


送君曲
送阮夫君袂起行 目屎流入沒做聲
右手舉旗左手牽子
我君阿… 做你去打拼 家內放心免探聽

為國盡忠無惜命 從軍出門好名聲
右手舉旗左手牽子
我君阿… 神明有靈聖 保庇功勞頭一名

火車慢慢袂起行 一時心酸快出聲
右手舉旗左手牽子
我君阿… 身體願勇健 家內放心免探聽
港邊惜別
作詞:陳達儒 作曲:吳成家
戀愛夢 被人來拆破
送君離別啊 海風對面寒
真情真愛 父母無開化
不知少年啊 熱情的心肝

戀愛夢 被人來所害
快樂未透啊 隨時變悲哀
港邊惜別 天星像目屎
傷心今暝啊 欲來分東西

戀愛夢 被人來打醒
美滿春色啊 變成黑陰天
港邊海鳥 不知阮分離
聲聲句句啊 吟出斷腸詩


恨孤單
冷風潛入心肝內 怨嘆悲傷誰人知
咱是真情的戀愛 今日那會分東西

月色照在運河內 吐氣哀怨流目屎
誰人知著阮心內 純情敢是伊不知

月照窗邊風吹來 加添悲哀無人知
放阮孤單誰人害 迎新去舊不應該
秋夜曲
桂花開透秋風寒 離別情人恨孤單
暝日憂愁思念同心伴 天光想到日落山

冷風吹來刈心腸 幾粒孤星伴月光
滿腹心情無人通慰問 秋天冷淡引心酸

三更過了雞聲啼 陣陣東風吹柳枝
不知何時會得君相見 傷心怨嘆空相思


送出帆
歡喜船入港 隔眠隨出帆
悲傷來相送 恨君行船人

一位過一位 何時再作堆
目睭看港水 我君船要開

情深緣份淺 想著足了然
離遠看沒現 只有火船煙

無君暗自怨 有君也操煩
今日那這款 港邊哭失戀
望你早歸
作詞:那卡諾 作曲:楊三郎
每日思念你一人 未得通相見
親像鴛鴦水鴨不時相隨 無疑會來拆分離
牛郎織女伊兩人 每年有相會
怎樣你若一去全然無回 放棄阮孤單一個
若是黃昏月亮欲出來的時 加添阮心內悲哀
你要和阮離開那一日 也是月要出來的時
阮只好來拜託月亮 替阮講乎伊知
講阮暝日悲傷流目屎 希望你早一日回來

若是黃昏月亮欲出來的時 加添阮心內悲哀
你要和阮離開那一日 也是月要出來的時
阮只好來拜託月亮 替阮講乎伊知
講阮暝日悲傷流目屎 希望你早一日回來


悲戀的酒杯
作詞:陳達儒 作曲:姚讚福
別人捧杯爽快塊合歡
阮捧酒杯悽慘又失戀
世間幾個親像阮這款
噯唷∼ 噯唷∼ 愛是目屎甲操煩

自嘆自恨看破了當初
吐氣無奈一杯又一杯
不管人笑酒醉倒落地
噯唷∼ 噯唷∼ 誰知阮為何問題

帶著酒氣瞑日定定紅
目的不是貪著燒酒香
看破世情一切像眠夢
噯唷∼ 噯唷∼ 第一悽慘失戀人
碎心戀
作詞:黃敏 作曲:黃敏
明知抹凍來做堆 偏偏才來愛著你
事到如今要怎樣 阮也不敢做主張
你的真情和真意 永遠不敢放忘記
今日才知離開你 真是痛苦的代誌

明知甲你無緣份 心內為你亂紛紛
怨嘆自己歹命運 忍著痛苦含嘴唇
你也不知阮身份 一直對我來求婚
叫阮怎樣來允准 愈想心肝愈憂悶

你是有錢有地位 阮是守寡有子兒
明明知影配抹起 決心甲你拆分開
返來故鄉看子兒 心內猶原思念你
叫阮怎樣活落去 傷心目屎點點滴


思念青春
月色照在淡水河邊 孤單行來心悲哀
當初最意愛雙人情意好 無疑甲無離開在東西
啊∼想起彼當時哀怨在心內
每日思念青春不再來

冷風吹來加添悲哀 看著雙雁流落目屎
傷心甲憂愁想起這無情 可比給河水放阮給伊流
啊∼想起彼當時艱苦誰人知
每日啼哭青春不再來
鴛鴦夢
男:雙人情意好 女:戀愛途中起風波
男:要怎樣 女:免煩惱
男:我愛你 女:我也愛你 相愛情抹無
男:我的妹妹 女:好哥哥
男:你期待 合:幸福好七逃

男:戀愛心中寶 女:秋天風雨亂心糟
男:怨運命 女:免煩惱
男:我愛你 女:我也愛你 花蕊抹墜落
男:我的妹妹 女:好哥哥
男:希望鴛鴛 合:將來來平和

男:希望好結果 女:環境不從要如何
男:心怨嗟 女:免煩腦
男:我愛你 女:我也愛你 永遠相偎靠
男:我的妹妹 女:好哥哥
男:雙人青春 合:快樂永遠好


 

好歌就是好歌,一次12首通通推薦


ALL RIGHTS OF THE PRODUCER AND OF THE WORK REPRODUCED RESERVED.

UNAUTHORIZED COPYING, HIRING, LENDING,

PUBLIC PERFORMANCE AND BROADCASTING OF THIS RECORDING PROHIBITED.


-  請 購 買 原 版 唱 片 以 支 持 您 所 喜 愛 的 歌 手 -